यो सिजन भने बार्सिलोना च्याम्पियन्स लिगको क्वाटरफाइनलबाटै बाहिरिएको थियो । बार्सिलोनाका प्रशिक्षक इन्ड्रिकले भने ‘यी खेलाडीले धेरै कुरा जितेका छन् । ग्रनाडासँगको जस्ता खेल बार्सिलोनाका खेलाडीका लागि क्षमता प्रदर्शन गर्ने अवसर हो ।’

बार्सिलोनाले गएको अप्रिल एकसम्म ९ अंकको अग्रता लिएको थियो । तर पछिल्ला खेलमा गरेको नराम्रो प्रदर्शनका कारण समस्यामा परेको थियो । बार्सिलोनाले आउँदो मे २२ मा स्पेनिस कपको उपाधिका लागि सेभिल्लासँग खेल्ने छ ।

तर अहिले सेभिल्लासँगको खेल आफ्नो दिमागमा नरहेको प्रशिक्षक इन्ड्रिकले बताए । ला लिगा युरोपकै सबै भन्दा कठिन लिग भएको र आफूहरुको ध्यान त्यसको उपाधि जित्नेमा रहेको उनले बताए ।