काठमाडौं— सरकारले भैरहवामा निर्माणाधीन गौतम बुद्ध अन्तरार्ष्ट्रिय विमानस्थललाई ७ अर्ब २२ करोड रुपैयाँ विनियोजन गरेको छ। अर्थमन्त्री विष्णु पौडेलले शनिबार आर्थिक वर्ष २०७३/०७४ को बजेट प्रस्तुत गर्दै सो विमानस्थललाई आगामी दुई वर्षभित्र पूरा गर्न रकम विनियोजन गरिएको उल्लेख गरे। भैरहवास्थित गौतमबुद्ध विमानस्थल निर्माण आगामी दुई वर्षभित्र सम्पन्न गर्ने उद्देश्यका साथ एक हजार ८ सय मिटर टप सोइलिङ काट्ने काम सम्पन्न भइसकेको छ। ८ सय मिटर सेकेण्ड लेयर टप वेस हाल्ने काम सम्पन्न सकिइसकेको छ। आर्थिक वर्ष २०७२/७३ मा १४० बिघा जग्गा अधिग्रहण गर्न मन्त्रिपरिषद्बाट स्वीकृति भई आवश्यक प्रक्रिया अघि बढाइएको छ।