आइतबार बिहानै सिन्धुपाल्चोक केन्द्रविन्दु परकम्प गएको छ। राष्ट्रिय भूकम्प मापन केन्द्रका अनुसार ४.४ रेक्टर स्केल मापन गरिएको उक्त परकम्पले राजधानीसहित आसपासका जिल्लामा समेत धक्का महसुस गराएको थियो।

बिहान साढे ४ बजे सिन्धुपाल्चोकको इचोक आसपालाई केन्द्रबिन्दु बनाएर भूकम्प गएको हो।

यसअघि हिजो बिहान सिन्धुपाच्लोक नै केन्द्रविन्दु भएर ४ दशमलव ३ रेक्टर स्केलको परकम्प गएको थियो ।

गएको वर्ष गोरखा बारपाक केन्द्रविन्दु भएर ७ दशमलव ८ रेक्टरको भूकम्प पछि परकम्प आउनेक्रम अझै रोकिएको छैन ।

यसक्रममा ४ रेक्टर स्केलमाथिका ४५८ पटक परकम्प गइसकेको राष्ट्रिय भूकम्प मापन केन्द्रले जनाएको छ ।