बुधबार राति किंस इलाभेन पञ्जावलाई ८३ रनले पराजित गर्दै बैंगलोर अंक तालिकामा दोस्रो स्थानमा पुगेको हो । उत्कृष्ट ब्याटिङ प्रस्तुत गरेका कोहलीले १४ औँ ओभरमा सन्दिप शर्माको बलमा क्याच आउट हुनअघि १ सय १३ रन बनाए । 

५० बल खेलेका उनले १२ चौका र ८ छक्काको मद्धतमा शतकीय पारी खेलेका हुन् । अर्का ओपनर ब्याट्सम्यान क्रिस गायलले ३२ बलमा ४ चौका र ८ छक्का हान्दै ७३ रन बनाए । 

पानीले प्रभावित भएर १५ ओभरमा झारिएको खेलमा बैंगलोरले ३ विकेट गुमाएर २ सय ११ रन बनाएको थियो । डकवर्थ लुइस नियमका आधारमा पञ्जावलाई १४ ओभरमा २ सय ३ रनको लक्ष्य मिलेको थियो । पञ्जावले ९ विकेट गुमाएर १ सय २० रन मात्र बनाउन सक्यो ।