पुछारको क्लब लेभान्टेसँग अप्रत्यासित रुपमा २–१ ले पराजित भएर एथ्लेटिको मड्रिड उपाधि होडबाट बाहिरिएको हो । दोस्रो मिनेटमा नै फर्नान्डो टोरेसले गोल गर्दै एथ्लेटिको मड्रिडलाई सुरुवाती अग्रता दिलाए । 

तर एथ्लेटिको मड्रिडले यो अग्रता जोगाउन सकेन । ३० औं मिनेटमा कासाडेसुस कास्तानोले लेभान्टेका लागि बराबरी गोल फर्काए । 

पहिलो हाफमा १–१ को बराबरी भएको खेलमा लेभान्टेका जुजापे रोसीले अन्तिममा गोल गर्दै जित दिलाए । हारपछि पछिल्लो समय शीर्ष स्थानको बार्सिलोनासँग अंक बराबरी गर्दै दोस्रो स्थानमा रहँदै आएको 

एथ्लेटिको मड्रिड तेस्रो स्थानमा झरेको छ । लिगको एक खेल बाँकी हुँदा एथ्लेटिको मड्रिड शीर्ष स्थानको बार्सिलोना भन्दा तीन तथा दोस्रो स्थानको रियल मड्रिड भन्दा दुई अंकले पछि छ ।