विशाखापट्नममा भएको खेलमा पञ्जावले मुम्बई इन्डियन्सलाई सात विकेटले हराएको हो । मुम्बईले प्रस्तुत गरेको एक सय २५ रनको लक्ष्य पञ्जावले १७ ओभरमा तीन विकेटको क्षतिमा भेट्टायो । 

पञ्जावका ऋद्धिमन साहले ४० बलमा ५६ तथा कप्तान मुरली विजयले ५२ बलमा नटआउट ५४ रन बनाए । मुम्बईका मिचेल म्याक्लेनाहामले दुई विकेट लिए । 

यसअघि पहिले ब्याटिङ गरेको मुम्बईले २० ओभरमा ९ विकेटको क्षतिमा एक सय २४ रन बनायो । उसका लागि किरोन पोलार्डले २७ तथा नितिश रानाले २५ रन बनाए ।

 पञ्जावका मार्कस स्तोइनिसले चार विकेट लिए । १२ खेलबाट १२ अंक जोडेको मुम्बई पाँचौं तथा ११ खेलबाट ८ अंक जोडेको पञ्जाव सातौं स्थानमा छ ।