७५ औं मिनेटसम्म २–० को अग्रता लिएर पनि क्रोएसिया बराबरीमा रोकिन बाध्य भयो । ३७ औं मिनेटमा इभान पेरिसिकले गोल गरेपछि पहिलो हाफमा क्रोएसियाले १–० को अग्रता लियो । 

५९ औं मिनेटमा इभान रेकिटिकले क्रोएसियाको अग्रता दोब्बर पारे । चेक रिपब्लिकलाई दबाबमा राखे पनि क्रोएसियाले अग्रता कायम गर्न सकेन । 

७५ औं मिनेटमा मिलान स्कोडा तथा ८९ औं मिनेटमा टोमस नेसिडले पेनाल्टी मार्फत गोल गरेपछि खेल २–२ को बराबरीमा सकियो । 

क्रोएसिया चेक रिपब्लिकसँग अंक बाँड्न बाध्य भयो । समूह डीमा रहेको क्रोएसियाको चार तथा चेक रिपब्लिकको एक अंक भएको छ ।

 पहिलो खेलमा क्रोएसियाले टर्कीलाई १–० ले हराएको थियो । चेक रिपब्लिक भने स्पेनसँग १–० ले नै पराजित भएको थियो ।