१३
पुस, गौशाला
।
नेपालमा
बन्द
हडतालका
कारण
भारतीय
रुपैयाँको
अभावमा
अहिले
हजाराैं
नेपाली
ग्राहक
भारतीय
बजारमा
ठगिन
र
लुटिन
बाध्य
भएका
छन्
।
महोत्तरीका सीमासँग जोडिएको भारतीय बजारहरु
भिट्ठामोड, सुरसण्ड, सीतामढी, मधवापुरलगायतका
बजारमा नेपाली रुपैयाँको ठूलो अवमूल्यन गरेर
व्यापारीले नेपाली ग्राहकलाई लुटिरहेका छन् ।
भारतीय बजारहरुमा सरसामान खरिद गर्न पुगेका
नेपालीसँग भारतीय व्यापारीले एक सय भारुको
सट्टा १७५ नेपाली रुपैयाँसम्म लिने गरेको जलेश्वर– ४
का शिवचन्द्र चौधरीले बताए ।
भारतीय बजारमा किनमेल वा आवश्यक कामका
लागि पुग्ने नेपालीले एक हजार नेपाली दिएमा ५ सय
८० मात्रै भारु दिने गरेको मनराका सत्यनारायण
मण्डलले बताए ।
त्यस्तै कोल्हुवा वगेया बस्ने रवीन्द्र ठाकुरले आफूले
सीमापारिको बजारमा गएर रु एक सय नेपाली
दिँदा ५८ रुपैयाँ भारुमात्रै पाएको उल्लेख गरे ।
महोत्तरी, धनुषा, र सिन्धुलीसम्मका ग्राहकहरु
महोत्तरीसँग जोडिएका विभिन्न नाकापारिका
बजारमा गएर सरसामान खरिद गर्ने गर्दछन् भने अहिले
भारतीय व्यापारीहरु नेपालीसँग मनपरी ढङ्गले एक सय
भारुका लागि १७२ देखि १७५ र कसै कसैले १ सय ८० सम्म
पनि असुली गर्ने गरेको सर्वसाधारण उपभोक्ताले
बताएका छन् ।
महोत्तरीको सीमासँग जोडिएका विभिन्न
भारतीय बजारमा दैनिक पाँच हजारभन्दा बढी
नेपाली ग्राहक जाने गर्छन् भने दैनिक दुई करोडभन्दा
बढीको सरसामान खरिद गर्ने गरेको भारतीय
व्यवसायीहरुले स्वीकारेका छन् ।