काठमाडौं, पुस १९ । भारतमा जारी एघारौं
साफ च्याम्पियनसिप फुटबलको फाईनल खेल
आज(आइतबार)हुँदैछ । केरलामा जारी
प्रतियोगिताको उपाधि भिडन्तमा
आयोजक भारत र साविक विजेता
अफ्गानिस्तान भिड्नेछन् ।
दुई वर्ष अगाडि काठमाडौंमा भएको साफ
च्याम्पियनसिपमा पहिलो पटक सहभागिता
जनाएको अफ्गानिस्तानले त्यतिबेला
फाईनलमा भारतलाई हराएर उपाधि
जितेको थियो ।
यो वर्ष अन्तिम पटक साफ च्याम्पियनसिप
खेलिरहेको अफ्गानिस्तान यस पटक पनि
पुरानै प्रतिद्धन्दी भारतलाई हराएर
प्रतियोगिताबाट सुखद विदा लिन चाहन्छ
।
अर्को वर्षदेखि अफ्गानिस्तानले एशियाली
फुटबल महासंघ ए.एफ.सी.को दक्षिण
एशीयाली समुह छोडी मध्य एशियाली
समुहबाट खेल्नेछ । उता भारत पनि यसपटक आफ्नै
भुमिमा अफ्गानिस्तानलाई हराएर अघिल्लो
पटकको हारको बदला लिन चाहन्छ ।
जारी प्रतियोगिताको सेमीफाइनलमा
श्रीलंकालाई हराँउदै अफ्गानिस्तान तथा
माल्दिभ्सलाई हराँउदै भारत फाईनलमा पुगेका
हुन् । फाईनल खेल आज वेलुकी पौने ७ वजे सुरु हुनेछ
।